KUNG sakaling sasabak sa politika, nagbiro ang TV host-comedian na si Vice Ganda na ang pinakamataas na posisyon sa gobyerno ang tatagergetin niya.
Sa panayam ni Ogie Diaz para sa “Showbiz Updates” YouTube channel, klinaro ni Vice na hindi pa niya nakikita ang sarili na nasa politika.
Pero kung sakaling papasukin niya ang nasabing mundo, hindi niya ito paplanuhin.
“Parang hindi ko siya mapaghahandaan. Parang sabi nga nila, calling. Kapag naramdaman mo, naramdaman mo. Ni hindi ko nga siya paplanuhin,” pahayag ni Vice.
“Kaya kapag may nagtatanong nga sa akin ‘di ba, niloloko ko. Sabi ko, ‘ayaw ko niyan ang baba.’ Gusto ko presidente agad!” dagdag niya.
Aniya, hindi rin siya mangangampanya at gagastos.
“Hindi ako mangangampanya. Magpa-file ako ng candidacy tapos gagawa ako ng vlog. ‘Tatakbo po ako, ito po ‘yung mga plataporma ko. Kung bet n’yo kong iboto, go! Kung hindi, okay lang din.’ Pero joke lang ‘yun,” sabi ng “It’s Showtime” host.
