NAWINDANG ang publiko nang tawagin ni TV host Robi Domingo na “Superstar” si Vilma Santos sa ginanap na grand launch ng pelikula ng “Star For All Seasons” na “Univited” nitong Huwebes.
Habang papasok si Vilma sa grand ballroom ng Solaire Hotel Resorts and Casino ay ipinakilala ito ni Robi bilang “Superstar.”
Kinalaunan ay tinawag din niya na “Star for All Seasons” si Vilma matapos basahin ang hawak na cue card.
Ang “Superstar” ay bansag sa “rival” ni Vilma na si National Artist Nora Aunor.
Mas lalong naloka ang ilang present sa event nang muling i-address ni Robi bilang “Superstar” si Vilma habang ipinakikilala ang iba pang cast ng pelikula na sina Nadine Lustre at Aga Muhlach sa mismong presscon proper.
