IDINAAN lang ni Kylie Padilla sa mga kanta at quote ang kanyang sagot sa akusasyon ng asawang si Aljur Abrenica na siya ang may third party kaya hiniwalayan siya nito.
Sa kanyang Instagram Stories nitong Martes, sunud-sunod ang post ni Kylie ng mga title ng mga kanta na pinapasaringan si Aljur.Kabilang dito ang “Easy On Me” ni Adele, “Happier Than Ever” ni Billie Eilish, “Wrecking Ball” ni Miley Cyrus at “Smile” ni Lily Allen.
Matapos ito ay ni-repost din ni Kylie ang tweet ng singer na si Rihanna na sinasabing “Never underestimate a man’s ability to make you feel guilty for his mistakes.”
Matatandaang ibinandera sa Facebook ni Aljur nitong Martes na si Kylie ang nangaliwa kaya hiniwalayan niya ito.
Post ni Aljur: “Kylie please tell them the truth. Don’t hide and disguise your comments, statement for your self gain. Tell them who cheated first. Tell them who wrecked our family. Tell them why I gave up on you not on our family. The people deserve to know.”
“Tell them who cheated first. Tell them who are you with right now. Have the courage to settle this. Tell your dad the truth. If not for them do it for our children,” dagdag pa niya.
