INANUNSYO ni Vince Tañada na ipalalabas sa ibang bansa ang pelikula niyang “Katips” simula Setyembre 13.
“#KatipsTheMovie will start its World Tour on September 13 and will end on December 15, 2022,” sabi ni Tañada sa Facebook post.
Mapapanood, aniya, ang “Katips” sa Middle East (Setyembre 14-22), New Zealand (Setyembre 18), Japan (Setyembre 19-24), Australia (Setyembre 28-Oktubre 9), Spain (Oktubre 16), United Kingdom (Oktubre 18-20), Germany (Oktubre 22-25), Switzerland (Oktubre 28-29), Italy(Oktubre 31-Nobyembre 2), USA Mainland (Nobyembre 4-Nobyembre 24), Canada (Nobyembre 27-Disyembre 11), Hawaii (Disyembre 12), at Hongkong (Disyembre 17-18).
Sa Middle East, ipalalabas ang pelikula sa Dubai, Abu Dhabi, United Arab Emirates (UAE), Bahrain, Kuwait, at Oman.
“Sa lahat ng aming kababayan, see you all there!” dagdag niya.
