NAKIUSAP si Janno Gibbs sa controversial director na si Darryl Yap na gawing pelikula ang kanyang buhay.
Pero, dagdag-paki ni Janno, mag-cast ng guwapong artista.
“Gawan mo naman ng movie ang buhay ko. Request: Gawin mo kong matangkad, matangos at hindi nale-late sa work,” sey ng komedyante.
“Wag mo rin isama yung mga chicks na nali-link sa akin,” dagdag niya.
“Labyu Direk! Sa mga news portal na mag pickup nito: Wag nyo tanggalin yung emojis at gawing seryoso ha!” pahayag pa ni Janno.
Ilang netizens ang hindi naman naka-gets na nagbibiro lang si Janno kaya pinaulanan nila ito ng “hate.”
Kaya sagot ng komedyante:
“Bakit ganon? Pag dumating ang bashers, sabay sabay sunud-sunod sa isang araw.
“At dumarating sila pag madami ng likes ang post.
“May GC ba kayo? Laging sinasabi laos na ako, papansin. Bakit niyo pinapansin!”
