INANUNSYO ng ABS-CBN na hindi mawawala sa GMA-7 ang “It’s Showtime” sa kabila ng mga haka-haka na hindi na ire-renew ang kontrata nito sa Kapuso network.
Sa statement, sinabi ng ABS-CBN na mapapanood ang “It’s Showtime” hanggang sa susunod na taon.
“ABS-CBN is happy to share the good news that ‘It’s Showtime’ will continue to air on the noontime slot of GMA from Monday to Saturday,” ayon dito.
“ABS-CBN and ‘It’s Showtime’ family are most grateful to GMA for their continued trust and support,” dagdag ng Kapamilya network.
Mensahe nito sa publiko: “We will continue to inspire and bring happiness to our audiences. Thank you Kapuso, Kapamilya, and Madlang People.”
Bago ito, nilinaw ni GMA senior vice president for programming, talent management, worldwide and support group at president ng GMA Pictures na si Atty. Annette Gozon-Valdes na fake news ang kumalat na balitang napagdesisyunang hindi na i-renew ang blocktime airing ng “It’s Showtime” sa Kapuso network dahil sa hindi pa nito nababayarang utang.
“Ay hindi, wala, wala silang utang,” giit ni Gozon-Valdes.
“May hinintay kaming data kaya natagalan ulit kaming bumalik sa kanila. Pero, siguro mga 95% [renewal] wala namang problema kasi, konting pag-uusap lang,” dugtong niya.
“Ang priority is to renew Showtime, basta magkaayos lang doon sa terms,” sambit pa ng TV executive.
