NAGTAPOS ang dating child actor na si Igiboy Flores sa course na Bachelor of Science in Business Administration Major in Marketing Management sa pamamagitan ng AMA Online Education.
Ani Igiboy, hindi balakid ang edad sa pag-abot ng pangarap.
“Hindi ko napagtuunan ng panahon ‘yung early college days ko sa ibang pamantasan. Nang medyo nagkaka-edad na tayo, doon ko napag isip-isip na may kulang, hindi ako buo,” ayon sa “Going Bulilit alumnus.
“Ano pa ba ang pwede kong iambag sa lipunan maliban sa pagpapasaya ng mga tao sa pamamagitan ng pag-arte at komedya? Dun ko naisip na ang pagtatapos ng pag-aaral ang bubuo sa hinahanap kong pagkukulang,” dagdag niya.
