ISINAPUBLIKO ng street food sensation na si Diwata na muntik na siyang mahalikan ni Coco Martin sa taping ng “FPJ’s Batang Quiapo”.
Sa panayam ni Toni Gonzaga, sinabi ni Diwata na ninerbiyos siya nang todo dahil sa first shooting day ay kaeksena agad niya sina Coco at Ivana Alawi.
“Nakakakaba kasi hindi ko naman alam ‘yang mga taping-taping na ‘yan. Parang sige, go… kasi opportunity ‘yan. Minsan lang ‘yan dumating kaya huwag mo nang pakawalan,” sey ni Diwata.
“Tinuturuan ako ni Coco. Muntik na niya ako mahalikan e. Noong kaeksena ko siya, kinakabahan ako. Tapos ‘yung script ko hindi ko mabitawan. Kasi si Ivana ‘yung kasama ko at saka siya so kinakabahan ako,” dagdag niya.
“Sabi ko, ‘Kasi nate-tense ako kasi kayo ang kaharap ko.’ Tapos sabi niya, ‘Sige na hahalikan na lang kita.’ Pero hindi ako pumayag. Kaya sinabi ko muntik na ako mahalikan ni Coco,” dagdag-chika pa ng viral pares vendor.
