PINANINDIGAN ni Cristy Fermin na umamin na ang sexy actress na si AJ Raval na buntis ito.
Ani Cristy sa kanyang online talk show na Showbiz Now Na: “Umamin na si AJ sa ating source. Umamin siya. Umamin na nagdadalang-tao siya.”
Naniniwala naman ang veteran showbiz columnist na dapat ding aminin ni AJ sa publiko ang totoo niyang kalagayan.
“Pagtanaw ng utang na loob iyon sa mga unang sumuporta sa mga unang proyekto niya,” ani Cristy.
“Kumbaga ‘yung tinatawag nating sukli. Ibinabalik dapat ng artista ‘yon. Kasi namuhunan ng suporta ang publiko. Sila ang magbabalik ng sukli. Ang ibig sabihin, sasabihin ang katotohanan. Hindi magpapaligoy-ligoy. Dapat alam ng publiko na sumusuporta sa kanila ang totoo,” dagdag niya.
