Claudine Barretto sa publiko: Pray for me and my mom

NAKIKIUSAP sa publiko si Claudine Barretto na isama sa kanilang panalangin ang mommy niya na naka-confine sa ospital dahil sa lupus.

Sa Instagram post, sinabi ng aktres na mahigit isang linggo na sa St. Luke’s Medical Center sa BGC ang kanyang 87-anyos na ina na si Inday.

“Mom we luv & need u dearly. Pls get well soon,” aniya.

“Palanggas pls pray for my Mom more than a week na sya sa hospital & is 87years old with lupus. I need all your prayers pls. She is the only parent I have left. I have been checking & taking care of her together with my kuyas Mito & @jjbarretto my Ate Michie & sister in law Connie,” dagdag niya.

Kaugnay nito, humingi rin ng dasal si Claudine para sa sarili dahil sa kanyang kondisyon. “Isama nyo na rin po ako sa prayers nyo I havent been eating & I’m down to 97pounds & I haven’t been sleeping. Godbless you all & your families as well,” sambit pa ng aktres.