ILANG araw makaraang mag-viral ang video ng kanilang halikan sa sabungan, kinumpirma ngayong Miyerkules ng negosyanteng si Atong Ang na may namamagitan sa kanila ni Sunshine Cruz.
Ayon sa ulat ng Abante, ginawa ni Ang ang pag-amin sa panayam ni Pinky Webb, ang host ng “Agenda” ng Bilyonaryo News Channel.
Bago ang pagkumpirma ni Atong, kumalat ang video ng paglapit ni Sunshine sa kanyang kinauupuan at halikan siya nito. Sa isa pang eksena ay siya naman ang lumapit sa aktres at hinalikan ito sa lips.
Bago si Atong, naging karelasyon nang pitong taon ni Sunshine si Macky Mathay, ang anak ni dating Quezon City Mayor Ismael Mathay Jr.
