SINABI ng Commission in Elections (Comelec) na nanalo ang “Yes” sa isinagawang plebesito nitong Sabado para sa paghahati ng Maguindanao.
Nakakuha ang “Yes”n ng 706,558 boto kumpara sa “No” na boto na nakapagtala lamang ng 5,209 boto.
Ayon sa poll body, umabot sa 99.27 porsiyento ang nakuha ng “Yes” na boto at 0.73 porsiyento lamang para sa “No” na boto.
Sa ilalim ng Republic Act 11550 na pinirmahan ni datiing Pangulong Duterte noong Mayo 2021, magiging epektibo ang paghahati ng lalawigan sa Maguindanao del Norte at Maguindanao del Sur.
Kabilang sa sakop ng bagong lalawigan ng Maguindanao del Norte ang Barira, Buldon, Datu Blah Sinsuat, Datu Odin Sinsuat, Kabuntalan, Matanog, Northern Kabuntalan, Parang, North Upi, Sultan Kudarat, Sultan Mastura, at Talitay.
Samantala, sakop naman ng
Maguindanao del Sur ang Ampatuan, Buluan, Datu Abdulla Sangki, Datu Anggal Midtimbang, Datu Hoffer Ampatuan, Datu Montawal, Datu Paglas, Datu Piang, Datu Salibo, Datu Saudi Ampatuan, Datu Unsay, Gen. Salipada K. Pendatun, Guindulungan, Mamasapano, Mangudadatu, Pagalungan, Paglat, Pandag, Rajah Buayan, Sharif Aguak, Sharif Saydona Mustafa, Sultan sa Barongis, Talayan, at South Upi.
Magiging kapital ng Maguindanao del Norte ang Datu Odin Sinsuat at Buluan naman para sa Maguindanao del Sur.
Paghati sa Maguindanao panalo sa plebesito
