INUGA ng magnitude 5.5 na lindol ang Davao del Sur kaninang alas-4:05 ng hapon, ayon sa Philippine Institute of Volcanology and Seismology (Phivolcs).
Naitala ang lindol na may lalim na isang kilometro, anim na kilometro silangan ng Matanao, Davao del Sur.
Naramdaman ang Intensity IV sa Davao City at General Santos City.
Naitala naman ang instrumental Intensity V sa Kidapawan City; Koronadal City, Norala, South Cotabato; instrumental Intensity IV sa Jose Abad Santos, Davao Occidental; Alabel, Sarangani; Tampakan, Tantangan, Tupi, General Santos City, South Cotabato; at Columbio, Sultan Kudarat.
Instrumental Intensity III naman sa Libona, Bukidnon; Don Marcelino, Davao Occidental; Maasim, Kiamba, Malapatan, Sarangani; Santo Nino, Polomolok, Suralla, T’Boli, South Cotabato; instrumental Intensity II sa Alamada, Cotabato; Nabunturan, Davao de Oro; Maitum, Sarangani; Lake Sebu, South Cotabato; at instrumental Intensity I sa Malaybalay, Cagayan de Oro, Misamis Oriental.
Ayon sa Phivolcs, inaasahan ang pinsala dulot ng lindol at mga aftershocks.
