INIIMBESTIGAHAN ng mga otoridad ang umano’y panggagahasa sa babaeng positibo sa Covid-19 sa isang isolation facility sa Legazpi City, Albay.
Ayon sa ulat, ni-rape umano ang biktima ng isang lalaking Covid patient din matapos makipag-inuman ang huli sa Ilan pa nilang kasama sa pasilidad.
Naganap ang insidente sa loob ng toilet.
Napag-alaman na dinakip na ang suspek at sinampahan na ng reklamo ng biktima.
Iniimbestigahan na ng pulisya kung paano nagawang makapag-inuman ng mga pasyente sa isolation facility.
Ayon sa lokal na pamahalaan, nakapagtataka na sobrang luwag ng seguridad sa lugar. –A. Mae Rodriguez
