LIMA katao ang nasawi habang siyam pa ang sugatan matapos mahulog sa bangin ang sinasakyan nilang van sa Ampawilen, Sadanga, Mountain Province alas-10 ng gabi nitong Biyernes.
Sa social media post ng Mountain Province Provincial Police Office, sinabi nito matapos mahulog sa bangin, nalaglag ang isang puting Nissan van na may plakang NDA 9883 sa ilog, na ikinasawi ng tatlong lalaki at dalawa babae.
Mabilis namang isinugod sa Bontoc General Hospital ang iba pang biktima at ngayon ay patuloy na nagpapagaling.
Ayon sa report, patungong Buscalan, Tingalayan, Kalinga ang mga biktima nang maganap ang aksidente.