HUMINGI ng tawad sa publiko si Bataan 1st District Rep. Geraldine Roman dahil sa ginawa niyang pananahimik noong nakalipas na administrasyon.
Anya ginawa lang niya ito para maproteksyunan ang kanyang distrito lalo pa’t may senyales umano ang administrasyon noon na hindi maaaring salungatin ito.
Partikular na hiningan ni Roman ng sorry ay si dating Senador Leila de Lima.
“Ang pinaghuhugutan ko no’n, I remember, in the 17th Congress. And I’d like to take advantage of this opportunity to ask and seek… well… forgiveness and apologize to Senator Leila de Lima because, at that time, it seems that the past administration was sending a message to the legislative that hindi pwedeng may opposition. Hindi pwedeng may dissenting voice,” ani Roman sa isang ambush interview.
Sinagot naman ito ni de Lima na pinatatawad na niya si Roman sa pananahimik nito.
Gayunman, inamin ni de Lima na nasaktan siya dahil sa pananahimik di lamang ni Roman kundi ng marami pang mga politiko noong panahon ni Duterte
“I’d be lying if I say I wasn’t hurt then, Congw. Geraldine. Pinapahalagahan ko ang iyong paghingi ng tawad ngayon at ang katapatan mong aminin ang pananahimik mo noong administrasyon ni Duterte. His reign was marked by fear, intimidation, and the silencing of anyone who dared to stand for what was right,” ayon sa mensahe ni de Lima na nakapost sa X.
“It makes me question how many politicians still let fear hold them back from accountability. PERO PINAPATAWAD KITA. As women, we must refuse to be silenced or intimidated by any madman ever again. We do the things we believe are good for our people. Salamat sa iyong katapangan,” dagdag pa nito.
