NAG-emergency landing ang helicopter na sinasakyan ni Sen. Bong Go sa Pililla, Rizal ngayong araw, December 2, dahil sa sama ng panahon.
Nagpapasalamat naman si Go sa mabilis na pagresponde ng pulisya at mga miyembro ng MDRRMO ng Pililia.
Patungo si Go sa Mabitac, Laguna para sa inagurasyon ng Super Health Center ng bayan pero nagdesisyon ang piloto na huwag nang tumuloy dahil sa makulimlim na panahon.
Sa pamamagitan ng video call ay nagbigay ng kanyang mensahe ang senador sa mga taga-Mabitac.
Hindi man natuloy sa Laguna, nagawa naman ni Go na makadalo sa national convention ng National Youth Commission (NYC) sa Nasugbu, Batangas.
