INILARAWAN ni Sen Richard Gordon si Pangulong Duterte bilang isang “cheap politician” sa patuloy na pagtatanggol nito sa mga taong sangkot sa pagbili ng overpriced na medical supplies.
Si Gordon ang chairman ng Senate Blue Ribbon Committee na nag-iimbestiga ukol sa pagbili ng mga mahal na PPE.
Sa pagdinig sa Senado, kinuwestiyon ni Gordon si Duterte sa patuloy na pagtatanggol nito sa Department of Budget and Management-Procurement Service head Christopher Lao at kanyang former economic adviser Michael Yang.
“Pero kayo, Mr. President I am really sorry for you. Ang pinagtatanggol n’yo si Lao? May utang na loob kayo dahil sa eleksyon? You are a cheap politician, Mr. President. Cheap politician. As cheap as they come, I’m sorry,” ani Gordon.
“Ang pinagtatanggol n’yo si Yang? Kailangan n’yong ipagtanggol e bilyonaryo yan, Mr. President?” dagdag pa nito. –A. Mae Rodriguez
