Budget secretary naka-medical leave, ‘di sinibak

NAKAMEDICAL leave lamang si Budget Secretary Wendel Avisado at hindi sinibak, ayon sa Department of Budget and Management.


Sa kalatas, sinabi ng DBM na humingi si Avisado ng 12 araw na bakasyon, mula Agosto 2 hanggang 13, matapos siyang tamaan ng Covid-19 kamakailan.


Ayon pa sa DBM, naospital si Avisado ng walong araw at sumailalim sa quarantine nang mahigit isang buwan.


Itinalaga si Undersecretary Tina Rose Marie L. Canda bilang officer-in-charge ng DBM.


“Rest assured that the DBM remains steadfast and committed to its mandate of promoting the efficient and effective management of the national budget to support its budget priorities especially in the midst of the pandemic,” dagdag ng kalatas. –CW