Bello itinalagang MECO chair; Nograles sa Civil Service Commission

ITINALAGA ni President-elect Bongbong Marcos, Jr. ngayong Huwebes si outgoing Labor Secretary Silvestre Bello III bilang chairman at resident-representative-designate ng Manila Economic and Cultural Office (MECO) sa Taiwan.

Kasabay nito, napili rin ni Marcos si dating Cabinet Secretary Karlo Nograles bilang Civil Service Commission (CSC) Chairman.

Samantala, uupo naman ang dating journalist at abogado na si Cheloy E. Garafil bilang susunod na Chairman ng Land Transportation Franchising and Regulatory Board (LTFRB).

Uupo naman si Christopher “Chet” Pastrana bilang General Manager ng Philippine Ports Authority (PPA).

Hinirang naman si dating Light Rail Transit Authority (LRTA) Deputy Administrator Cesar Chavez bilang Undersecretary for Rails ng Department of Transportation.