TAHASANG sinabi ni Social Welfare Secretary Erwin Tulfo na may mga flat TV, aircon, at refrigerator ang ibang benepisyaryo ng Pantawid Pamilyang Pilipino Program (4Ps).
“Mayroon ka ng mga flat screen TV na mga 72-inch na flat screen, mayroon ka ng double door na refrigerator, mayroon ka ng aircon. Eh, what does it tell us? It tells us na gumiginhawa na iyong buhay mo, kailangan alisin ka na doon sa poor section, doon ka na sa non-poor,” sabi ni Tulfo sa Laging Handa briefing.
Nauna nang sinabi ni Tulfo na 1.3 milyon sa 4.4 milyong benepisyaryo ng 4Ps ang tatanggalin na sa listahan.
Niliwanag naman ni Tulfo na hindi naman kakasuhan ang mga matatanggal sa listahan.
“Hindi naman ho natin pupuwede hong kasuhan sila, meaning to say umangat na po ‘yung kanilang buhay,” aniya.
