INANUNSYO ni US President Donald Trump na matagumpay ang ginawa nitong pag-atake sa tatlong Iranian nuclear sites nitong Sabado.
Sinabi rin nito na nawasak na nito ang malakas ng Fordow nuclear facility ng Iran sa ginawang pag-atake ng Estados Unidos, senyales ng pakikipag-alyansa nito sa Israel laban sa Iran.
“We have completed our very successful attack on the three Nuclear sites in Iran, including Fordow, Natanz, and Isfahan,” ayon kay Trump sa kanyang post sa Truth Social.
Anya, matapos ang pag-atake, naniniwala siya na maaaring bigyang-daan na ang kapayapaan.
“NOW IS THE TIME FOR PEACE!” dagdag pa ni Trump.
“Iran’s key nuclear enrichment facilities have been completely and totally obliterated,” anya pa.
Mariin namang kinondena ni Iranian Foreign Minister Abbas Araghchi ang Estados Unidos at sinabi na ang ginawa nitong pag-atake sa bansa ay paglabag sa international law.
“The United States, a permanent member of the United Nations Security Council, has committed a grave violation of the UN Charter, international law and the NPT by attacking Iran’s peaceful nuclear installations,” ayon kay Araghchi.