POSIBLENG sundan umano ni Pope Francis ang ginawa ng kanyang predecessor na si Benedict XVI – ang magretiro.
Ngaunit nilinaw ng Papa na bagamat isa itong posibilidad, hindi anya ito mangyayari ngayon.
“Resignation is a possibility open to all popes,” ani Francis sa isang TV talk show sa Nove Channel sa Roma Linggo ng gabi.
“But at the moment it is not at the centre of my thoughts,” dagdag ni Francis.
Sakali mang magretiro siya, plano ni Pope Francis na bumalik sa Argentina na mahigit 10 taon na anyang hindi napupuntahan.
Matatandaan na ang sinundan ni Francis na si Benedict ay nagbitiw sa kanyang pwesto noong Pebrero 28, 2013 dahil sa isyu sa kanyang kalusugan.
(Getty Images)