Syrian-Pinoy wagi sa Miss Philippines Earth

KINORONAHAN na Miss Philippines Earth 2021 ang Syrian-Filipino na si Naelah Alshorbaji ng Parañaque City sa ginanap na virtual beauty pageant ngayong araw.


Nagwagi rin sa timpalak sina Sofia Lopez Galve ng Tanay, Rizal (Miss Philippines Ecotourism); Roni Meneses ng Mandaluyong City (Miss Philippines Fire), at Rocel Angelah Songano ng Iloilo City (Miss Philippines Water).


Pinalitan ni Alshorbaji si Miss Philippines Earth 2020 Roxanne Allison Baeyens.


Noong 2019 ay nanalo si Alshorbaji bilang Miss Paranaque habang fourth runner-up siya sa Miss Manila noong 2017.


Ito ang ikalawang beses na itinanghal virtually ang contest dahil sa pandemya. –A. Mae Rodriguez