ITO ang tanong ng ilang netizens matapos lumutang uli online ang kwento ukol sa isang teenager na nasawi makaraan siyang lagyan ng hickey o love bite ng kanyang girlfriend noong 2016.
Ayon sa ulat, nag-date si Julio Macias Gonzales ng Mexico at kanyang kasintahan at pag-uwi ng bahay ay bigla na lang nangisay at nag-collapse ang bagets.
Naisugod pa sa ospital ang biktima pero hindi na naisalba ng mga doktor ang kanyang buhay.
Ayon sa mga manggagamot, na-stroke ang biktima dahil sa blood clot sa kanyang utak. Ang salarin: ang chikinini sa leeg niya na gawa ng kanyang girlfriend.
Hindi naman sinabi sa ulat kung nadakip ang babae na nagtago makaraan ang insidente.
Noong 2011, isang babae na taga-New Zealand ang nagka-mild stroke dahil din sa chikinini.
Nagkaroon din ito ng blood clot na umabot naman sa kanyang puso.