INABANDONA si Senador Manny Pacquiao ng MP Nation, ang pinakamalaki at organisadong grupo ng volunteer organizations na una nang nagsusulong ng kanyang kandidatura.
Ibinaling ng grupo ang suporta nito kay Manila Mayor Isko Moreno.
Ayon kay MP Nation Lead Convenor Col. Dani Enriquez, desisyon ito ng mga lider at executive committee members.
“MP Nation is now IM4P or Isko Moreno For President Movement,” sabi ni Enriquez.
“We will always love and thank Senator Pacquiao for what he has done for the country, and would have wanted the two of them (Moreno and Pacquiao) to be in one ticket. But we must admit that the infighting of PDP-Laban, has caused much damage and backlog to Senator Manny’s campaign,” dagdag ni Enriquez.
Ang MP Nation ay binubuo ng mga coordinators mula sa iba’t ibang barangay sa buong bansa na nilalahukan ng mga miyembro mula sa iba’t ibang sektor.
Pacquiao iniwan ng grupo, sumama kay Isko
