NABIGLA ang marami nang maghain ng kanyang Certificate of Candidacy si Senador Bong Go bilang vice president Sabado ng hapon.
Kasabay nito ay ang pag-anunsyo ni Pangulong Duterte na hindi na siya tatakbo sa darating na halalan at magreretiro na nang tuluyang sa pulitika.
Dumating si Go kasama si Duterte pasado alas-3 ng hapon sa Harbor Garden Tent ng Sofitel hotel sa Pasay City para maghain ng kanyang COC.
Una nang inendorso ng PDP-Laban si Go bilang pambato nito sa pagkapangulo habang si Duterte naman ang bise presidente.
Sa kanyang pahayag matapos ang filing, sinabi ni Go: ” I will be a working vice president na gagawin ang lahat ng aking makakaya, hindi ako magiging spare tire lamang. I want to be remembered as a public servant na nagsisilbi ng tau-puso sa taongbayan.”
