INAPRUBAHAN na ng Food and Drug Administration (FDA) ang dalawang home antigen test kits para sa COVID-19.
Sa Talk to the People Lunes ng gabi, sinabi ni FDA officer-in-charge (OIC) Director General Oscar Gutierrez na kabilang sa binigyan ng special certification ay ang Panbio COVID-19 Antigen Self-Test ng Abbott at ang SARS-CoV-2 Antigen Rapid Test ng Labnovation Technologies, Inc.
“So kung makikita niyo po sa table, 116 po lahat ang FDA-certified as of 24 January. At under sa antigen test kits, dalawa na po ang kanilang category. Mayroon pong tinatawag na home care — healthcare worker or professional assisted antigen test kit, at ito ‘yung bago na dinagdag po natin na category, ‘yung home self-testing antigen test kits,” dagdag ni Gutierrez.
