INILAGAY sa Alert Level 2 ang 19 na lugar sa bansa matapos aprubahan ng Inter-Agency Task Force (IATF) na ipatupad ang phase 4 ng alert level system mula Nobyembre 22 hanggang 30, 2021.
Kabilang sa mga lugar na sakop ng Alert Level 2 ang Benguet, Abra, Kalinga, Oriental Mindoro, Puerto Princesa, Marinduque, Romblon, Palawan, Occidental Mindoro, Butuan City, Surigao del Norte, Agusan del Sur, Surigao del Sur, Agusan del Norte, Basilan, Cotabato City, Tawi-Tawi, Lanao del Sur at Maguindanao.
Isinailalim naman sa Alert Level 3 ang Apayao, Mountain Province, Ifugao, Dinagat Islands at Sulu.
Sinabi ni Acting presidential spokesperson Karlo Nograles na sakop na ng alert level system ang buong bansa.
19 lugar iniligay sa Alert Level 2
