MARAMI ang nagtataka kung bakit sa kabila ng panalo ni Senator Imee Marcos nitong nakaraang senatorial elections ay lalong naging ‘asimo’ at ‘negatron’ ang asal ng senadora.
Ito ba ay dahil sa kulelat si Imee sa nagdaang halalan? Pasang-awa at parang pinagbigyan lang ng pagkakataon at sinuwerte na makalusot kahit nakalambitin na sa bangin ang kanyang kandidatura?
Kung totoo kasing merong malasakit si Imee at tunay na may lahing Waray, sa halip na mambulabog sa isyu ng San Juanico Bridge, dapat sigurong tumulong na lang o manahik ang senadora.
Supalpal tuloy ang inabot ni Imee kay House Spokesperson Princess Abante nang isa-isahin ang pondong inilaan ng Mababang Kapulungan ng Kongreso na nagkakahalaga ng kabuuang P399.1 million sa rehabilitasyon at repair ng San Juanico Bridge simula pa noong 2018.
Base sa datos ng DPWH, nakapaglaan ng budget na P27 million noong 2018; P22.2 million noong 2019; P105 million noong 2021; P4.3 million, para sa emergency repairs at P90.6 million noong 2022; at P150 million noong 2023.
Dapat ding isipin ni Imee na simula noong 1998 hanggang 2007 ay isa siyang kongresista at aktibo sa maiinit na isyu pero wala man lamang ni isang press release o pahayag ang senadora tungkol sa rehabilitasyon ng San Juanico Bridge.
Tanong pa ni Princess kay Imee: “Ano na po ba ang aktuwal ninyong ambag sa San Juanico Bridge?
Pahabol pa ni Princess: “Kahit karatulang may nakalagay na… ‘This way to San Juanico Bridge’ man lang, meron ba?”
Hahaha, nakahanap ng katapat si Imee!
Sabi nga sa Waray…“Inay man daw, Imee, kasamok mo na babahignit ka! Bulig na gad la!
