LIMA ang nasawi sa sunog na tumupok sa maraming kabahayan sa Navotas City nitong Lunes ng gabi.
Ayon sa pulisya, kabilang sa mga nasawi ang 40-anyos na ginang at ang dalawang-taong-gulang niyang anak.
Aabot naman sa 280 pamilyang residente ng Brgy. Bagumbayan North ang nawalan ng tahanan dahil sa insidente.
Napag-alaman na nagsimula ang sunog alas-9:22 dahil sa pumutok na linya ng kuryente.
Agad kumalat ang apoy dahil pawang gawa sa light materials ang mga bahay sa lugar.
Nahirapan ding makapasok ang mga pamatay-sunog dahil makikipot ang daanan.
Inabot ng limang oras bago naapula ang apoy.
Dahil sa laki ng sunog, kumalat ito sa katabing barangay na Navotas West.
5 todas sa sunog sa Navotas
