UMAAPELA ang mga fans ni Vice Ganda sa actor-director na si Coco Martin na tanggalin na sa “FPJ’s Batang Quipo” si Nikko Natividad dahil sa ginawang pang-ookray ng huli sa Unkabogable Star.
Nag-ugat ang inis ng fans kay Nikko nang makisimpatiya ito sa isang searchee sa “It’s Showtime” segment na “EXpecially For You” na pinuna ni Vice dahil sa pambabastos umano sa babaeng searcher.
“Naawa lang ako sa lalaki na may nagawang mali pero hindi niya talaga intensyon. At syempre dun sa babae. Sobra lang kasi napahiya ‘yung lalaki na sasabihan pa na tatadyakan at pwede kasuhan,” ani Nikko sa Facebook post.
Mas nanggigil ang mga supporters ni Vice kay Nikko sa mga pasaring nito sa “It’s Showtime” host.
Pahapyaw ni Nikko, kahit below-the-belt ang mga “biro” ni Vice ay “lalagyan lang nya ng ‘charot’ sa dulo lulusot na yan.”
“Alam ko kasi pakiramdam ng pinapahiya sa tv at napopowertrip base sa experience ko,” dagdag niya.
Burado na ang mga post ni Nikko.
Hindi naman pinalampas ng mga tagasuporta ni Vice ang pagkanti ng aktor sa kanilang idolo kaya ikinampanya nila itong matanggal sa ABS-CBN hit teleserye ni Coco.
“Pakisabi kay direk Coco Martin, ipa-last taping na sa BQ ang self proclaim na DAKS na si Nikko Natividad. Wala kwenta!”
“Sana last n tlga ..toxic yan. Baka mamaya
si Coco martin pa ciraan nyan.”
“It’s time for your downfall Nikko hahaha good luck.”
“Evicted ka ngayon sa BQ teh nikko.”
“Tanggalin nyo si Nikko nakakatakot kaibigan.”
“Isilid sa sako at iligaw ng hindi na makabalik sa Quiapo.”
