BINILI sa Molino, Bacoor City, Cavite ang winning ticket ng Super Lotto na tumama ng P15.8 milyong jackpot sa bola ng Super Lotto 6/49 nitong Linggo ng gabi.
Nahamig ng solo winner ang kombinasyon na 21-10-13-31-07-18, ayon sa Philippine Charity Sweepstakes Office (PCSO).
May isang taon ang winner para kolektahin ang kanyang premyo sa PCSO office sa Mandaluyong City.
Samanta, may 52 iba pang mananaya ang makakapag-uwi naman ng tig-P50,000 matapos makuha ang lima sa anim na winning numbers; habang 2,136 mananaya naman ang may tig-P1,200 premyo matapos makuha ang apat sa anim na numero.
