PINAULANAN ng bigas ng social media personality na si Whamos Cruz ang viral pares vendor na si Diwata ilang araw lang makaraan niya itong bigyan ng laptop computer.
“Nag-usap kami kagabi dadalhin niya talaga kaya lang medyo kulang pa daw,” ani Diwata sa Facebook video.
“Actually, pangako ‘yan ni Whamos bukod sa mga ibinigay niyang gadgets. Nagsabi talaga siya na bigyan niya ako ng bigas,” dagdag niya.
Kamakailan lang ay nakatanggap na ng regalo na gold bar at laptop si Diwata mula kay Whamos.
Kaugnay nito, inihayag ni Diwata na gusto niyang maka-collab si Boss Toyo.
“Actually, gusto namin mag-collab dalawa kaya lang busy din kasi ako kapag pumunta ako sa shop nya so bigyan na lang namin ng time. Gusto ko rin talaga mag-collab kaming dalawa,” hirit ni Diwata.
Inihayag niya na hindi pa sigurado kung bibisitahin siya ni Boss Toyo sa kanyang pares stall sa Pasay.
