MASAGANA ang Bagong Taon ng isang mananaya sa lotto matapos itong manalo ng P57 milyon jackpot sa Mega Lotto 6/45 na binola nitong New Year’s Day.
Binili sa Barangay Santol, Quezon City ang ticket na may winning combination na 06-41-29-12-02-15, ayon sa Philippine Charity Sweepstakes Office (PCSO).
May isang taon ang lotto winner para kunin ang kanyang panalo na nagkakahalaga ng P57,030,072.20 sa PCSO main office sa Mandaluyong City. Kailangan lang niyang magdala ng dalawang valid ID at ang kanyang winning ticket.
Samantala, 13 mananaya naman ang kokolekta ng tig-PHP32,000 matapos makuha ang lima sa anim na numero habang tig-P1,000 panalo naman ang makukuha na 856 mananaya na nakakuha ng apat na numero.
Binobola ang 6/45 Mega Lotto tuwing Lunes, Miyerkules at Biyernes.
