INIULAT ng Philippine Institute of Volcanology and Seismology (Phivolcs) ang pagtaas ng aktibidad ng Mayon Volcano sa Albay.
Sa pinakahuling bulletin ngayong alas-8 ng umaga, sinabi ng Phivolcs na mula alas-5 ng hapon noong Linggo (Hulyo 9, 2023), nakapagtala ng 33 pyroclastic density currents o PDCs mula sa summit crater ng Mayon Volcano.
Idinagdag ng Phivolcs na patuloy ang pagbaba ng lava sa upper to middle slopes.
“The PDCs travelled for approximately one to four minutes down the Mi-isi (south) and Bonga (southeastern) Gullies within 3.3 kilometers of the crater. Satellite monitors detected a pronounced increase in SO2 emission yesterday, whereas SO2 emission measured by campaign survey averaged 943 tonnes per day on 9 July 2023,” sabi ng Phivolcs.
Ayon pa sa state bureau, nakapagtala rin ng 109 weak low frequency volcanic earthquakes simula alas-5 ngayong Lunes.
Muling pagtaas ng aktibidad ng Mayon naitala
