MAS mahaba-habang oras umano ang kakailanganin ni Pangulong Bongbong Marcos para rebyuhin ang inihahaing national budget na P6.352-trilyon, kasabay ang pagsasabi na kailangan ang maraming pagbabago rito.
“It would take long to review the 2025 General Appropriations Bill,” ayon kay Marcos sa panayam sa isang event sa Villamor Air Base sa Pasay City Huwebes ng umaga.
Anya kailangang pag-aralang mabuti upang masiguro na ang susunod na budget ay naka-direkta sa higit na mahahalaga at priority projects ng pamahalaan.
“Well, we had to have a look because maraming nagbago from the budget requests of the different departments and we have to put it back in the same shape that we had first requested,” dagdag ni Marcos.
“Now, it’s up to us on how we regain control of the spending program. I cannot give you the details yet because that that’s what we are doing. We are going through item by item, line by line to see what is priority and what is not. And that’s what we’ll come up with,” anya pa.
Nitong Miyerkules, pinulong ni Marcos sina Executive Secretary Lucas Bersamin, Finance Secretary Ralph Recto, Budget Secretary Amenah Pangandaman, Socioeconomic Planning Secretary Arsenio Balisacan, at Public Works Secretary Manuel Bonoan para rebisahin ang panukalang budget.
At sa kanilang pag-rebyu, may ilan anya silang programa na nakita na problematic.
Dahil dito, wala anya siyang choice kundi i-veto ang mga ito.
“So, unfortunately, I am only left now with the veto power… It’s up to us now to look at the items and to see what are appropriate, what are relevant and what are the priorities,” paliwanag pa ni Marcos.
Sa kabila nito, umaasa si Marcos na mapipirmahan ang national budget bago matapos ang taon.
