NILINAW ng Palasyo na hindi totoo ang mga kumakalat na impormasyon hinggil sa diumano’y pagkakakulong kay First Lady Liza Araneta-Marcos sa Estados Unidos.
“There is no truth that FL was held by any law enforcers while in LA and any other place,” sabi ni Palace Press Officer and Presidential Communications Office Undersecretary Claire Castro.
Ginawa ni Castro ang paglilinaw matapos kumalat ang diumano’y mga fake news na idinetine ang Unang Ginang sa Los Angeles kung saan siya dumalo sa Manila International Film Festival.
Ayon sa opisyal, nasa US si FL mula Marso 5 hanggang 8 para dumalo sa Meetig of the Minds sa Manila International Film Festival.
Bukod dito, nakabalik na si Araneta-Marcos sa bansa nitong Lunes, Marso 10.
“FL arrived in Manila at around 5 am. At 5:58 am, she was already on her way to her place from the airport,” paliwanag pa ni Castro.