Magnitude 7.3 na lindol yumanig sa Davao Occidental

NIYANIG ng 7.3 magnitude na lindol ang Davao Occidental alas-2:06 ng hapon ngayong Miyerkules, ayon sa Philippine Institute of Volcanology and Seismology (Phivolcs).

Naitala ang tectonic quake na may lalim na 64 kilometro, 352 kilometro timogsilangan ng Sarangani.

Naramdaman ang lindol sa mga sumusunod na lugar:

Intensity II – Don Marcelino, Davao Occidental; Nabunturan, Davao de Oro; Glan and Kiamba, Sarangani; General Santos City, Tupi, Santo Niño, Koronadal City, and T’Boli, South Cotabato

Intensity I – Kidapawan City, Cotabato; Maitum and Maasim, Sarangani; Tantangan, Lake Sebu, Tampakan, Suralla, and Norala, South Cotabato; Zamboanga City, Zamboanga del Sur

Asahan na ang mga aftershocks at damage dulot ng malakas na lindol.

Samantala, sinabi ng Phivolcs na wala namang banta ng tsunami matapos ang pagyanig.