NI-REPOST ng Thailand-based Pinoy social media personality na si Xian Gaza ang larawan nina Pangulong Ferdinand Marcos Jr. at Olympic gold medalist Carlos Yulo sa Malacanang kasama ang kasintahan ng huli na si Chloe Angeleigh San Jose.
Caption niya: “President Bongbong Marcos with 2-time olympic gold medalist Carlos Yulo and his Coach Chloe of Team Philippines.”
Bago ito, sinopla ni San Jose si Gaza ukol sa ipinost nito na nagseselos umano ang dalaga sa sports physical therapist ni Yulo na si Lyn Hazel Calawod.
“From very reliable source: Hindi daw pinapayagan ni Chloe na i-post ni Carlos Yulo yung coaching team niya kasi daw ayaw nitong masapawan. Kaya pala silang dalawa lang palagi ang ina-upload ni Caloy. Nagseselos pala si Chloe,” chika ni Gaza.
Ipinost din niya ang mga larawan ni Calawod, na responsable sa “making sure Caloy is in optimal shape, his mind and body protected and healed from the daily grind of being a topnotch Olympic athlete.”
Si Calawod, base sa kanyang Instagram bio, ay isang Harvard University-certified human factors specialist at nagtapos sa programang data science sa prestihiyosong Massachusetts Institute of Technology (MIT).
“Thank you for inspiring our Olympic gold medalist, Coach Hazel. Pasensya na kung hindi ka niya maipagmalaki. Don’t worry, proud kami sayo,” dagdag ni Xian.
“Wag kayong issue, kung ano ano na lang talaga no. me and coach Lyn Hazel (loafie) are good good friends,” sagot naman ni San Jose.
“Eh ikaw naman mars Christian Albert Gaza kamusta kayo ng gf mo? ay ex na pala, pinapasa mo yung gawain mo kay bossloy na madaming eabab?? oopsss,” patutsada niya kay Gaza.
“Ayaw daw ipa-post eh ano to? Hmmmm na pag hahalataan ka mars na hindi ka na RELIABLE SOURCE as you self-proclaim you are,” dagdag niya kalakip ang screenshots ng mga photos at chat nila ni Calawod.
