DALAWANG magkasunod na lindol ang umuga sa dalawang bayan sa Ilocos Norte Linggo ng umaga, ayon sa Philippine Institute of Volcanology and Seismology (Phivolcs).
Unang tumama ang magnitude 3.7 na lindol sa bayan ng Burgos, alas-5:34 ng madaling araw. Tectonic ang origin nito na may lalim na 12 kilometro.
Naramdaman ang Intensity II sa Pasuquin, Ilocos Norte at Intensity I naman sa Laoag City, Ilocos Norte
Samantala, tumama naman ang magnitude 3.8 na lindol sa Bangui, Ilocos Norte, alas-5:40 ng madaling araw.
Initially, nasa magnitude 4 ang naiulat na lindol ngunit ibinaba rin ito ng hivolcs sa 3.8. May lalim itong 10 kilometro.
Naitala ang Intensity I sa Laoag at Pasuquin.
