PATAY ang isang Filipino-American na ina matapos siyang barilin ng kanyang partner na isa ring Pinoy sa harap ng kanilang dalawang anak sa California, USA.
Sa ulat, nasawi ang 27-anyos na biktimang si Frances Kedra Lucero, matapos siyang barilin ng kanyang partner na si Romier Narag, 27, sa harap ng kanilang mga anak na may edad 3 at 4 noong Marso 6 sa Daly City, California.
Nahaharap naman sa kasong murder at child endangerment si Narag, at kasalukuyang nakakulong sa San Matero County Jail.
Inaalam pa ng mga imbestigador ang motibo ng pamamaslang.