DINALA ni Sen. Bong Go sa pagamutan si dating Pangulong Rodrigo Duterte matapos aksidenteng madulas ang huli sa loob ng bahay nito sa Davao City nitong Biyernes.
Masaya namang ibinalita ni Go, na walang tinamong pinsala si Duterte.
“Salamat sa Diyos, ok naman ang X-ray ni Tatay Digong,” aniya sa Facebook post.
“Aksidenteng nadulas sa kuwarto ng kanyang bahay si dating pangulong Rodrigo Duterte, kaya naman sinamahan siya ni Senador Bong Go sa Davao Doctors Hospital nitong Biyernes, November 3, para magpa-check-up,” dagdag ni Go sa post.
Matapos masuri, nagpa-picture sina Duterte at Go sa mga doktor at staff ng ospital.
