BINAGYO ng pintas at panunuya ang aktor na si Daniel Padilla makaraang ianunsyo na siya ang headliner sa Bagong Pilipinas “Pagkakaisa” concert sa Davao.
Gaganapin ang event sa Davao Del Norte Sports and Tourism Complex sa June 7.
Mismong ang ina ni Daniel na si Karla Estrada ang nag-anunsyo sa social media na isa ang anak sa mga panauhin sa event na inorganisa ng Bagong Pilipinas Serbisyo Fair.
“This is it! See you in Davao del Norte, June 7!” ani Karla sa caption.
“Bagong Pilipinas Serbisyo Fair aims to provide major government services to less fortunate Filipinos in various communities across the country and features the government’s flagship programs,” dagdag ng host-actress.
Tila hindi naman nagustuhan ng mga netizens, partikular ng mga kakampink at mga tagasuporta ng ex-girlfriend ni Daniel na si Kathryn Bernardo, ang ulat ukol sa partisipasyon ng aktor sa event na pakana ng administrasyon.
Komento ng mga ito:
“Ano na nangyari sa paninindigan mo noong 2022 election hijo?”
“Balimbing talaga si lods.”
“Taray ng character development pababa ah.”
“Red flag through and through. Cheater para sa cheaters! Lol”
“Kaya ka hinihiwalayan e. Ahahahha.”
“Lumabas na ang natural haha.”
“Well if the price is right”
“Good decision Kath. Enabler din pala.”
Matatandaan na sinuportahan ni Daniel si dating Vice President Leni Robredo nang tumakbo ito laban sa ngayon ay pangulong si Ferdinand Marcos Jr.
