ITO ang nag-iisang pahayag ng fans ni Vice Ganda kapag narinig na ni veteran showbiz columunist-host Cristy Fermin ang bagong kanta ng Unkabogable Star na “Bwak, Bwak, Bwak.”
Available na sa iba’t-ibang music streaming platforms ang nasabing track na ini-release ng Star Music.
Base sa reaksyon ng mga nakarinig sa teaser ng kanta, sapul na sapul si Cristy sa mga patutsada ni Vice.
“Bubula na naman yung bibig nito ni Cristy sa galit. Kawawang lola pinagkakitaan lang siya ni Vice.”
“Antay ako ng kahol ni tanda, manggagagalaite na naman yun.”
“Deserve ni Cristy.”
“Ang ganda ng inspiration ni Vice sa kantang yan. Sana nagandahan si Cris Fer sa song na yan.”
Matatandaan na bago ilabas ang “diss track” kay Cristy ay ilang beses nang nagpatutsada si Vice laban sa kanya sa “It’s Showtime” bunsod ng mga pambabatikos nito sa TV host at sa asawa nitong si Ion Perez.
