PINALAGAN ng singer na si Jessa Zaragoza ang mga natanggap na puna sa ginawa niyang paghuhugas ng pinggan nang naka-full make-up.
Chika ni Jessa, galing siya sa show nang dumiretso na sa paghuhugas.
Dagdag niya, wala silang maid.
“Wala kaming katulong sa bahay kaya ako lang naghuhugas ng pinggan sa bahay namin,” aniya.
“Di na ako nakapagpalit ng damit at tanggal make up galing trabaho. Gawa agad ng naiwang gawaing bahay para matapos na at gabi na yan,” dagdag ni Jessa.
Iginiit niya na hindi scripted ang video dahil bigla lamang daw siyang kinunan ng anak na si Jayda.
“Tingin ko, kulang lang kayo sa ligo. Babad na kayo sa drum na may malamig na tubig!!! Dali! Alam ko na! Hyaan nyo next time, mag gown naman ako, with matching cleavage habang nag huhugas pinggan,” sabi pa ng misis ni Dingdong Avanzado.
