UMABOT sa walong milyon katao ang dumagsa sa taunang Pista ng Hesus Nazareno nitong Huwebes, Enero 9, 2025.
Ayon sa datos ng Nazareno Operation Center na inilabas nitong Biyernes, 8,124,050 milyon deboto ang nakiisa sa pista, partikular na sa Traslacion o ang prusisyon mula Quirino Grandstand sa Luneta hanggang sa Minor Basilica and National Shrine of Jesus Nazareno sa Quiapo.
Nag-umpisang umusad ang prusisyon alas 4:41 ng madaling araw nitong Huwebes at nakarating ang imahe sa loob ng Quiapo Church ala-1:26 ng madaling araw ng Biyernes, Enero 10.
Mas mataas ang bilang ng mga nagsidalo ngayong taon kumpara noong 2023 na nakapagtala ng 6.5 milyon katao.
