NIYANIG ng magnitude na 6.5 na lindol ang Surigao del Sur ngayong Sabado, ayon sa Philippine Institute of Volcanology and Seismology (Phivolcs).
Tumama ang lindol alas-6:23 ng umaga, 67 kilometro northeast ng munisipalidad ng Lingig. May lalim itong 10 kilometro.
Naitala ang Intensity V sa Hinatuan, Surigao del Sur. Wala namang itinaas na tsunami alert bagamat inaasahan na magkakaroon ng mga aftershocks.
Samantala, magnitude 5 naman ang yumanig sa Davao Oriental 90 kilometro northeast ng Baganga, alas 6:45 ng umaga.
May lalim din itong 10 kilometro.
